herrschaftlech Kichen
(nei Kichen, grouss Kichen)
Dës Kichen gouf bannent engem Tuerm installéiert dee schonns virdrun do stung.
Se huet di aal Kichen em d'Enn 12. Jh. - Ufank 13. Jh. ersaat fir den Haff mat Iesssen ze versuergen. Wài nämlech den neien grousse Sall (Rittersall) gebaut gin ass war méi eng grouss an modern Kichen néideg. D'Iessen ass dun vun hei duerch e Lach an der Mauer (vun der Traap aus gesin lénks) an de grousse Sall gereecht gin.
Hannert der Mauer op der lénker Säit waren Spenterchern (Liëwensmettelreserven) am ënneschten Stack, an d'Kichemeeschterwunneng uewen driwer. Méiglecherweis goufen et och nach aan Reim déi zu der Kichen gehéiert hun op der rietser Säit. Vun der Kichen erof an de grousse Sall läit de Pëtz, an hannert deem eng 3. Kichen (haut net méi ze gesinn), déi am 14. Joerhonnert installéiert gouf.
E risege Kamäin (nëmmen bis op den 2. Stack rekonstruéiert) huet eng Fläch vun ongeféier 20 x 13 Fouss (6 x 4 Meter) iwerdeckt, sou dass hei iwerall Feier gemaach konnt gin. Den Damp vum Uewen, deen an der Mauer sichtbar ass, ass och an dëse Kamäin gaang.
mëttelalterlech Kachen
Déi mëttelalterlech europäesch Kichen ass kuerz nom Fall vum Réimesche Räich entstaanen (mat wéineg Divergenzen duerch Westeuropa), an huet bis Mëtt vum 17. Joerhonnert iwerdauert. Duerno koum di modern europäesch Kichen, mat bedeitende nationalen a regionalen Divergenzen.
D'mëttelalterlech Kichen baséiert op der Theorie vum Galen iwwer déi véier Kierperflëssegkeeten: Blutt, Giel Gaal, Schwaarz Gaal an Schleim. Dës mussen ein engem gesonde Kierper am Gläichgewiicht sinn, a Liewensmëttel kënnen se zréck an d'Gläichgewiicht bréngen. Ee ganz wichtegt Mëttel dobäi sinn Gewierzer, awer och d'Liewensmëttel selwer, wéi och d'Art a Weis wéi et preparéiert gi, definéieren den Zoustand vum Plat: Naass, Dréchen, Waarm, Kal.
experimentell Kachen
Am Laf vum Joer (haaptsächlech den 1. Sonndeg am Mount) erwächt d'Kichen zu neiem Liewen. Historesch Rezepter ginn ausprobéiert. Aal Rezepter sinn net ganz detailléiert wat Quantitéiten a Veraarbechtung ugeet, a mir sinn hautdesdaags net méi mat traditionelle Kachtechniken wéi op cdem Feier kachen gewinnt, dofir sinn dëst experimentell Evenementer. Mëttlerweil gëtt et fir d'Visiteuren vum Schlass Showcooking. Dir sidd häerzlech wëllkomm de Prozess ze verfollegen an Dir kritt Informatiounen aus éischter Hand. Hei sinn e puer Videoen dovun:
Videoen:
fir d'Buedzemmer
D'Dier (A) féiert an d'Buedzëmmer, sou datt een de Buedgäscht Iessen an Gedrénks zerwéiere konnt. D'Lach riets ass eng Luck (B) zum Kacheluewen vum Buedzëmmer, deen vun hei befeiert gouf. Den Damp aus dem Uewen ass duerch eng schmuel rechteckeg Öffnung (C) méi héich erop an der Mauer eraus komm.
de groussen Hiel
Dëse groussen Hiel ass d'Original vun dëser Plaz vun 1647 (Audioguide an aner Quelle soen datt et eng Kopie wier; awer dat ass net méi de Fall), en ass voll operationell.
Dräi Ophänken kënnen 3 Kesselen oder Dëppen haalen. Eng Kierp gëtt benotzt fir d'Deppen erof ze lossen (Erhéijung vun der Hëtzt) oder erop ze hiewen (Hëtzt reduzéieren).
Do wou den Querträger un d'Dréiachs ugemaach ass gesäit een d'Konturen vun ëm Fësch; ët ass e Salem, däer sengerzäits ganz vill hei an de Flëss gefaangen gin sin
Kessel
Reproduktioun vun engem gossen Kachkessel. D'Form ass vu mëttelalterleche Keramikkesselen geknäipt a eegent sech gutt fir kachend Flëssegkeeten; déi ronn Form zwéngt d'kachend Flëssegkeet an eng permanent Bewegung, déi verhennert datt de Kessel iwwerkachen.
De Kessel kann op sengen 3 Féiss an e Feier gesat ginn oder un deenen zwou Hänken opgehaang ginn.
Gewierzschaaf
Gewierzer sinn dat Wichtegst an enger mëttelalterlecher Kichen. Verschiddener goufen vu ganz wäit ewech importéiert a ware schrecklech deier. Eise Gewierzschaaf aus dem 17. Joerhonnert enthält scho Gewierzer, déi an der neier Welt entdeckt goufen an am Mëttelalter nach onbekannt waren: Vanille, Chili, Kakao
